Qendra Ditore OAZ — Shërbime për Fëmijë me Aftësi Ndryshe

Vlerësim i aftësive të të folurit, gjuhësore dhe komunikuese të çdo fëmije; përgatitje dhe zbatim i një plani individual terapie përmes sesioneve të rregullta; përdorim i metodave alternative të komunikimit kur nevojitet; udhëzim për prindërit dhe stafin; monitorim i progresit dhe raportim periodik. Rezultati: përmirësim i aftësive komunikuese e gjuhësore, duke i mundësuar fëmijëve të shprehin nevojat e tyre dhe të marrin pjesë më plotësisht.

Mbështetje edukative e individualizuar gjatë aktiviteteve mësimore e zhvillimore; përshtatje e materialeve dhe e metodave sipas aftësive të çdo fëmije; kontribut në Planin Individual të Edukimit; mbështetje për aftësitë akademike, të vetëkujdesit dhe të pavarësisë; menaxhim pozitiv i sjelljes; komunikim me prindërit dhe raportim periodik. Rezultati: pjesëmarrje e rritur, progres në të nxënë dhe përfshirje arsimore e çdo fëmije.

Vlerësim i situatës sociale e familjare të çdo fëmije; menaxhim i dosjes sociale dhe i planit individual të ndërhyrjes; këshillim dhe orientim i familjeve mbi të drejtat, përfitimet dhe procedurat; referim drejt shërbimeve shëndetësore, arsimore e të mbrojtjes sociale; vizita në shtëpi dhe monitorim; raportim periodik. Rezultati: akses më i mirë i fëmijëve dhe i familjeve në shërbimet që u takojnë dhe kapacitet më i fortë familjar për kujdesin ndaj fëmijës.

Vlerësim psikologjik dhe zhvillimor i çdo fëmije; plan individual mbështetjeje dhe sesione të rregullta mbi rregullimin emocional, sjelljen dhe aftësitë sociale; programe ndërhyrjeje në sjellje kur nevojitet; këshillim për prindërit dhe mbështetje për stafin e qendrës; dosje konfidenciale dhe raportim periodik. Rezultati: mirëqenie emocionale, sjellje dhe funksionim social më i mirë i fëmijëve, si dhe përgjigje më e mirë familjare ndaj nevojave të tyre.