Executive Housekeeping është një program profesional i krijuar për të zhvilluar njohuritë, aftësitë praktike dhe kompetencat menaxheriale të nevojshme për organizimin dhe funksionimin profesional të departamentit Housekeeping në hoteleri.

Programi kombinon njohuritë teorike me demonstrime, simulime dhe praktikë në ambiente hoteliere. Pjesëmarrësit njihen me standardet e higjienës, teknikat profesionale të pastrimit, organizimin e punës dhe komunikimin profesional, duke kaluar më tej në menaxhimin e departamentit, drejtimin e ekipit, planifikimin operacional, kontrollin e cilësisë, menaxhimin e inventarit dhe kostove, si dhe lidershipin.

Trajnimi u drejtohet stafit të Housekeeping, supervisorëve dhe menaxherëve të departamentit, profesionistëve që kërkojnë të përditësojnë njohuritë e tyre sipas praktikave të industrisë, si dhe personave që dëshirojnë të ndërtojnë një karrierë në sektorin e hotelerisë.

Metodologjia përfshin leksione interaktive, demonstrime praktike, simulime të situatave reale, punë në grup, ushtrime praktike në hotel dhe materiale mbështetëse për modulet.