Turizmi modern nuk lidhet më vetëm me vizitën e një destinacioni, por gjithnjë e më shumë me eksperiencën që përjeton vizitori. Një turist kërkon të zbulojë, të përfshihet, të mësojë, të ndiejë emocione dhe të krijojë kujtime të veçanta. Gjatë pesë seancave, pjesëmarrësit do të njihen me parimet kryesore të dizajnimit të eksperiencave turistike, do të analizojnë profile të ndryshme turistësh, do të eksplorojnë potencialin e burimeve lokale dhe do të mësojnë të përdorin teknika si storytelling, customer journey dhe prototipimi. Përmes punës individuale dhe në grup, ata do të zhvillojnë hap pas hapi një koncept konkret eksperience turistike, duke e përshtatur atë me karakteristikat e destinacionit, kërkesat e tregut dhe parimet e turizmit të qëndrueshëm.

Në përfundim të trajnimit, pjesëmarrësit do të jenë të aftë të krijojnë, strukturojnë dhe prezantojnë një eksperiencë turistike të diferencuar, e cila jo vetëm i përgjigjet nevojave të vizitorëve, por gjithashtu kontribuon në promovimin e vlerave lokale dhe në krijimin e përfitimeve për komunitetin.