Trajnimi “Aftësitë Profesionale në Pastrim” synon të pajisë pjesëmarrësit me njohuri bazë mbi rëndësinë e higjienës, zbatimin e teknikave të sakta të pastrimit dhe organizimin e punës sipas standardeve të pastrimit profesional.

Gjatë trajnimit do të trajtohen dallimet midis pastrimit, dezinfektimit dhe mirëmbajtjes së sipërfaqeve, si dhe gabimet më të shpeshta gjatë pastrimit të tualeteve, kuzhinave dhe xhamave. Një pjesë e veçantë do t’i kushtohet sistemit të kodeve të ngjyrave për ndarjen e mjeteve sipas zonave të përdorimit, me qëllim parandalimin e kontaminimit të kryqëzuar dhe ruajtjen e higjienës.

Programi zhvillohet online në tri sesione nga dy orë secili, me një kohëzgjatje totale prej gjashtë orësh. Përmes shembujve konkretë dhe aktiviteteve praktike, pjesëmarrësit do të njihen me mënyrat e duhura të pastrimit, gabimet që duhen shmangur dhe praktikat bazë për një punë më të sigurt, më efikase dhe më të organizuar.