Politika e Privatësisë

Kontrollues i të dhënave është AlbAcademy, me seli në Tiranë, Shqipëri. AlbAcademy përcakton qëllimet dhe mjetet e përpunimit të të dhënave të përshkruara në këtë politikë dhe mban përgjegjësi për to.

Për çdo pyetje ose kërkesë lidhur me të dhënat e tua personale, na drejtohu në info@albacademy.al.

Mbledhim vetëm të dhënat që na i jep vetë ose që janë të domosdoshme për ofrimin e shërbimit që kërkon. Konkretisht:

Formularët e kontaktit, të konsulencës dhe të komunitetit

• Emrin dhe mbiemrin, adresën e email-it dhe numrin e telefonit (kur e plotëson);
• Mesazhin, si dhe interesin ose paketën e anëtarësimit që zgjedh;
• Faqen e platformës nga e cila u dërgua formulari.

Aplikimet për trajnime

• Emrin, email-in, telefonin dhe mesazhin tënd;
• Trajnimin dhe grupin për të cilin aplikon;
• Ecurinë e aplikimit (p.sh. i kontaktuar, i pranuar, i regjistruar) dhe shënimet e brendshme të stafit;
• Mënyrën dhe statusin e pagesës, si dhe mandat-pagesën kur paguan me transfertë bankare.

Kur aplikon i identifikuar në llogarinë tënde, emri, email-i dhe telefoni merren nga llogaria dhe nuk ke nevojë t'i shkruash përsëri.

Aplikimet dhe pjesëmarrja në evente

• Emrin, email-in, telefonin dhe mesazhin tënd;
• Eventin për të cilin aplikon, mënyrën dhe statusin e pagesës;
• Pas konfirmimit, regjistrimin në listën e pjesëmarrësve, datën e konfirmimit dhe shumën e paguar.

Rezervimi i një konsulence

• Emrin, email-in, telefonin dhe mesazhin tënd;
• Datën dhe orën e seancës që zgjedh;
• Statusin e pagesës dhe linkun e takimit në Google Meet.

Të dhënat e kontaktit regjistrohen në momentin kur vazhdon drejt pagesës, edhe nëse pagesa nuk përfundon, në mënyrë që ekipi ynë të mund të të kontaktojë lidhur me kërkesën. Orari i zgjedhur mbahet i rezervuar përkohësisht për 20 minuta dhe më pas lirohet automatikisht nëse pagesa nuk kryhet.

Llogaria

• Emrin, email-in dhe numrin e telefonit;
• Foton e profilit, nëse zgjedh ta ngarkosh;
• Fjalëkalimin, i cili ruhet vetëm në formë të enkriptuar (hash) dhe nuk është i lexueshëm nga ne;
• Rolin në platformë (student, trajnues, staf), datën e krijimit të llogarisë dhe të hyrjes së fundit.

Klasa virtuale

• Regjistrimin tënd në trajnim dhe në grup;
• Njoftimet, komentet dhe skedarët që publikon në klasë;
• Emri, email-i dhe telefoni yt janë të dukshëm për pjesëmarrësit e tjerë të të njëjtit grup dhe për trajnuesit e trajnimit. Nuk janë të dukshëm për askënd jashtë grupit tënd.

Të dhëna teknike

• Adresën IP e përdorim vetëm në momentin e dërgimit të një formulari, për të kufizuar dërgimet e shumta automatike. Ajo mbahet përkohësisht në kujtesën e serverit dhe nuk ruhet në bazën e të dhënave.
• Ofruesit e infrastrukturës sonë mund të mbajnë regjistra teknikë (log) të zakonshëm, të nevojshëm për sigurinë dhe funksionimin e shërbimit.
• Nuk përdorim Google Analytics apo ndonjë mjet tjetër matjeje, gjurmimi ose reklamimi. Nuk ndërtojmë profile për ty dhe nuk të ndjekim në faqe të tjera.

Çdo përpunim bazohet në një nga bazat ligjore të parashikuara nga ligji:

• Përgjigjja ndaj kërkesave dhe formularëve të tu — baza: hapat parakontraktorë të ndërmarrë me kërkesën tënde dhe interesi ynë legjitim për t'iu përgjigjur.
• Trajtimi i aplikimeve, regjistrimi dhe ofrimi i trajnimeve dhe eventeve — baza: lidhja dhe zbatimi i kontratës mes nesh.
• Rezervimi dhe zhvillimi i konsulencës — baza: zbatimi i kontratës.
• Përpunimi i pagesave dhe kontabiliteti — baza: zbatimi i kontratës dhe detyrimet ligjore në fushën tatimore dhe të kontabilitetit.
• Siguria e platformës dhe parandalimi i abuzimeve — baza: interesi ynë legjitim.
• Njoftimet operative me email (p.sh. linku i regjistrimit, ftesa e takimit) — baza: zbatimi i kontratës.

Nuk të dërgojmë komunikime marketingu pa pëlqimin tënd paraprak dhe nuk i përdorim të dhënat për qëllime të papajtueshme me ato për të cilat janë mbledhur.

Pagesa me kartë

Pagesat me kartë debiti ose krediti përpunohen nga ofruesi i pagesave POK. Formulari i kartës ofrohet nga POK dhe ngarkohet brenda faqes sonë: numri dhe data e skadimit të kartës enkriptohen në shfletuesin tënd dhe ne nuk mund t'i lexojmë. Verifikimi 3-D Secure kryhet nga banka lëshuese e kartës.

Për krijimin e porosisë dhe verifikimin e pagesës i përcjellim POK emrin, email-in, telefonin, shumën dhe përshkrimin e shërbimit. Nga POK marrim vetëm rezultatin e pagesës dhe identifikuesin e porosisë. Nuk ruajmë asnjëherë numrin e kartës, datën e skadimit apo kodin e sigurisë (CVV). Për përpunimin e të dhënave të kartës zbatohet edhe politika e privatësisë e POK.

Transfertë bankare

Kur paguan me transfertë bankare, ngarkon mandat-pagesën në faqen e aplikimit tënd. Dokumenti ruhet në një hapësirë private, pa adresë publike, dhe shihet vetëm nga stafi i autorizuar.

Cash

Pagesat në para në dorë regjistrohen nga stafi ynë në aplikimin tënd.

Mënyrën e pagesës mund ta ndryshosh vetë nga faqja e aplikimit deri në momentin që pagesa kryhet.

Seancat e konsulencës planifikohen në kalendarin e konsulentit tonë në Google Workspace. Për të shfaqur oraret e lira, platforma lexon vetëm intervalet e zëna të kalendarit, pa përmbajtjen e tyre dhe pa të dhënat e tua.

Pas pagesës, krijohet një takim në kalendar me emrin, email-in, telefonin dhe mesazhin tënd, dhe Google të dërgon në email ftesën me linkun e takimit në Google Meet. Google vepron si përpunues për llogari tonën; pjesëmarrja në takim i nënshtrohet edhe kushteve të Google.

Platforma dërgon email-e vetëm kur kjo lidhet drejtpërdrejt me një veprim tëndin ose me shërbimin që ke kërkuar:

• Njoftime te stafi ynë kur dërgon një formular, aplikim ose rezervim;
• Linkun e regjistrimit që stafi të dërgon pas aplikimit, për krijimin e llogarisë. Linku është personal dhe skadon pas 7 ditësh;
• Email-in për vendosjen ose rivendosjen e fjalëkalimit;
• Ftesën e takimit për konsulencat, të dërguar nga Google.

Linqet në këto email-e janë personale. Të lutemi të mos i përcjellësh te persona të tjerë.

Platforma përdor vetëm cookies të domosdoshme: ato që mbajnë të hapur sesionin tënd pasi hyn në llogari. Pa to, hyrja në llogari nuk do të funksiononte. Për stafin, në shfletues ruhet gjithashtu një preferencë e ndërfaqes së panelit administrativ. Nuk përdorim cookies statistikore apo reklamuese.

Formulari i pagesës i POK ngarkohet nga serverët e POK dhe mund të përdorë mjete teknike të nevojshme për kryerjen e sigurt të pagesës.

Nuk i shesim të dhënat e tua dhe nuk i japim për qëllime marketingu. I ndajmë vetëm me ofruesit e shërbimeve që na nevojiten për funksionimin e platformës, të cilët i përpunojnë sipas udhëzimeve tona dhe me detyrimin e konfidencialitetit:

Brenda platformës, të dhënat e tua i sheh vetëm stafi i autorizuar i AlbAcademy dhe, për trajnimet, trajnuesit dhe pjesëmarrësit e grupit tënd, siç përshkruhet më sipër. Mund t'i ndajmë të dhënat edhe me autoritetet publike, kur kjo kërkohet me ligj.

Të dhënat e llogarive, aplikimeve, pagesave dhe trajnimeve ruhen brenda Bashkimit Evropian. Google mund t'i përpunojë të dhënat e konsulencave edhe në Shtetet e Bashkuara. Në këto raste, transferimi kryhet vetëm drejt vendeve me nivel të mjaftueshëm mbrojtjeje ose në bazë të garancive të përshtatshme, si klauzolat standarde kontraktuale, në përputhje me ligjin.

I ruajmë të dhënat vetëm për aq kohë sa është e nevojshme për qëllimin për të cilin janë mbledhur:

• Formularët e kontaktit dhe rezervimet e papërfunduara: deri në trajtimin e kërkesës dhe më pas për një periudhë të arsyeshme për referencë;
• Aplikimet për trajnime dhe evente: për kohën e nevojshme për trajtimin e tyre dhe për historikun e marrëdhënies sonë;
• Llogaritë, regjistrimet në trajnime dhe përmbajtja e klasës virtuale: për aq kohë sa llogaria jote është aktive;
• Dokumentet e pagesave dhe të dhënat e faturimit: për afatet e përcaktuara nga legjislacioni tatimor dhe i kontabilitetit;
• Linku i regjistrimit: është personal dhe skadon pas 7 ditësh.

Kur një e dhënë nuk na nevojitet më për asnjë nga këto qëllime, e fshijmë ose e anonimizojmë.

Në çdo kohë ke të drejtë:

• Të informohesh dhe të kërkosh akses në të dhënat që kemi për ty;
• Të kërkosh korrigjimin e të dhënave të pasakta ose të paplota;
• Të kërkosh fshirjen e tyre, kur nuk kemi detyrim ligjor për t'i ruajtur;
• Të kërkosh kufizimin e përpunimit;
• Të kundërshtosh përpunimin që bazohet në interesin tonë legjitim;
• Të marrësh të dhënat e tua në një format të strukturuar dhe të lexueshëm (portabiliteti);
• Të tërheqësh pëlqimin, kur përpunimi bazohet mbi të, pa cenuar ligjshmërinë e përpunimit të kryer më parë.

Emrin, foton e profilit dhe fjalëkalimin mund t'i përditësosh vetë te Profili im. Për çdo kërkesë tjetër, përfshirë fshirjen e llogarisë, na shkruaj në info@albacademy.al. Do të të përgjigjemi brenda 30 ditëve; për të mbrojtur të dhënat e tua, mund të të kërkojmë të verifikosh identitetin.

Nëse mendon se të drejtat e tua nuk janë respektuar, ke të drejtë të paraqesësh ankesë te Komisioneri për të Drejtën e Informimit dhe Mbrojtjen e të Dhënave Personale (idp.al).

Nuk kryejmë profilizim. Disa veprime kryhen automatikisht në favorin tënd: pas një pagese të suksesshme, vendi yt në event konfirmohet dhe, për trajnimet me grup të caktuar, regjistrohesh automatikisht si student. Për eventet falas, pjesëmarrja konfirmohet menjëherë pas aplikimit.

Këto veprime nuk prodhojnë efekte negative ndaj teje. Nëse ke vërejtje për ndonjë prej tyre, mund të kërkosh rishikimin nga stafi ynë në info@albacademy.al.

Zbatojmë masa teknike dhe organizative të përshtatshme për mbrojtjen e të dhënave:

• Platforma shërbehet vetëm përmes lidhjes së sigurt HTTPS;
• Aksesi kufizohet në nivelin e bazës së të dhënave, jo vetëm në ndërfaqe: çdo tabelë ka rregulla që përcaktojnë kush mund të lexojë çfarë;
• Mandat-pagesat dhe materialet e trajnimeve ruhen në hapësira private dhe hapen vetëm me linqe të përkohshme, pasi verifikohet e drejta e aksesit;
• Fjalëkalimet ruhen të enkriptuara dhe nuk i shohim as ne;
• Linqet personale nënshkruhen në mënyrë kriptografike dhe kanë afat të kufizuar;
• Të dhënat e kartës përpunohen vetëm nga POK dhe nuk ruhen te ne.

Në rast të një cenimi të sigurisë që paraqet rrezik për të drejtat e tua, do të njoftojmë Komisionerin dhe, kur kërkohet, edhe ty, brenda afateve ligjore.

Shërbimet tona u drejtohen personave madhorë dhe profesionistëve. Nuk mbledhim me vetëdije të dhëna të fëmijëve nën 16 vjeç. Nëse vihemi në dijeni se kemi marrë të tilla, i fshijmë.

Kjo politikë përditësohet sa herë ndryshon mënyra se si i përpunojmë të dhënat. Data e përditësimit të fundit shfaqet në krye të faqes. Për ndryshime thelbësore do të njoftojmë edhe drejtpërdrejt përdoruesit e regjistruar.

Për çdo pyetje mbi këtë politikë ose mbi të dhënat e tua: info@albacademy.al. Mund të përdorësh edhe formularin e kontaktit.