- Periudha
- Shkurt 2025 – Në vazhdim
- Financuar nga
- Erasmus+
- Partnerët
- Shqipëri · Norvegji · Greqi · Spanjë · Bosnjë e Hercegovinë · Mal i Zi · Maqedoni e Veriut
Projekti Leaders for Future i përgjigjet sfidës së papunësisë te të rinjtë, veçanërisht te gratë e reja me më pak mundësi në Ballkanin Perëndimor. Ai promovon sipërmarrjen si mjet fuqizimi ekonomik dhe vetëvendosjeje.
I drejtuar nga një konsorcium organizatash rinore, inkubatorësh dhe qendrash biznesi, projekti fokusohet në rritjen e kapaciteteve të punonjësve rinorë dhe të organizatave për të ofruar aktivitete mësimore joformale me ndikim të lartë dhe për të krijuar struktura mbështetëse afatgjata për gratë e reja që aspirojnë të ndërmarrin.
Objektivat e projektit
- Ngritja e kapaciteteve të organizatave rinore për të ofruar arsim joformal që rrit punësueshmërinë dhe aftësitë sipërmarrëse të grave të reja.
- Promovimi i sipërmarrjes si rrugë drejt pavarësisë dhe stabilitetit financiar për gratë e reja nga mjedise të disfavorizuara.
- Nxitja e strukturave të qëndrueshme mbështetëse brenda organizatave rinore përmes mentorimit dhe koučingut të vazhdueshëm.
- Lehtësimi i shkëmbimit dhe i mësimit ndërkombëtar për punonjësit rinorë përmes vizitave studimore dhe eventeve për ngritje kapacitetesh.
- Inkurajimi i pjesëmarrjes aktive dhe i lidershipit të të rinjve në komunitetet lokale përmes planifikimit të biznesit dhe konkurrimit.
Shërbimet e ofruara
- Trajnim për punonjësit rinorë mbi metodat e arsimit joformal dhe zhvillimin e aftësive sipërmarrëse.
- Organizim i vizitave studimore dhe i eventeve të shkëmbimit për punonjësit rinorë, për të ndarë praktikat më të mira mes vendeve.
- Ngritja e pikave të përhershme mbështetëse brenda çdo organizate partnere, për mentorim dhe workshop-e me gratë e reja.
- Zhvillimi dhe zbatimi i konkursit "Krijo Planin Tënd të Biznesit" në nivel kombëtar dhe ndërkombëtar.
- Konferenca përmbyllëse ndërkombëtare në Spanjë, ku shpërblehen fituesit e konkursit dhe prezantohen rezultatet kryesore.
- Integrimi afatgjatë i shërbimeve mbështetëse në programet e rregullta të punës rinore të organizatave partnere.
