Përshkrim i trajnimit:
Komunikimi në sipërmarrje është çelësi i suksesit të mbarëvajtjes së një grupi pune, drejtimit të një projekti të një kompanie, apo organizate. Përmes këtij trajnimi synohet që pjesëmarrësit të dalin me teknika të përmirësuara të komunikimit, si dhe një standard profesional më cilësor. A i flasim vetes dhe nëse po, a po e bëjmë mirë?
A është klienti mbret dhe si duhet ti qasemi për një komunikim efektiv?Do doje të shkruaje dhe të flisje me më shumë profesionalitet? Atëherë je në vendin e duhur!
Komunikimi fillon por nuk kufizohet dot në rangun individual. Një individ i sukseshëm, fillimisht duhet të jetë i aftë të njohë dhe komunikojë me veten në mënyrë që këtë cilësi ta përdorë në krijimin e urave si në spektrin e ndërmarrjes, atë menaxherial e duke vijuar tek klienti. Në mënyrë që të rrisni veten profesionalisht, përgjigjuni pyetjeve që krijojnë barriera për hapat tuaj drejt të ardhmes.
Komunikimi nuk është vetëm fjalë. Është kombinim i fjalës me mendimet, sjelljet, qëllimet dhe qëndrimet tona. Është produkt i asaj që jemi, por është edhe farë e asaj që duam të bëhemi.