RËNDËSIA E VENDNDODHJES SË NJË AMBIENTI AKOMODIMI NË INDUSTRINË E TURIZMIT.

Pyetja e parë që bëjmë kur vendosim të ikim në një udhëtim është: KU?
Pasi kemi zgjedhur destinacionin, duhet të vendosim edhe për ambientin e akomodimit për të cilin bëjmë kërkimin tonë me të njëjtën pyetje: KU?
Vendndodhja e një prone, si dhe menyra si është e lidhur me aktivitetet e ndryshme në zonë është padyshim një nga faktorët më të rëndësishëm për zgjedhjen e një ambienti akomodimi. Mbi të gjitha ky ambient duhet të jetë
pika referuese e cdo vizitori pasi aty nis dhe mbaron cdo ditë.

CFARË KËRKOJNË VIZITORËT
Pothuajse të gjitha aktivitetetet e vizitorëve janë të lidhura me akomodimin, për këtë arsye dhe planifikimi i udhëtimit të tyre bazohet në vendndodhje. Studimet tregojnë se vizitorët para se të vendosin se cilin hotel të
rezervojnë, kanë parasysh se cfarë do të vizitojnë gjatë udhëtimit të tyre dhe nëse këto aktivitete janë afër hotelit që do të zgjedhin apo jo.
Vizitorët janë të predispozuar të zgjedhin hotele që u pershtaten më mirë nevojave teë tyre edhe nëse kjo kërkon disa kompromise. Disa kliente e vlerësojnë vendndodhjen më shumë se cdo gjë tjetër dhe janë të gatshëm të
paguajnë edhe pak më shumë, disa të tjerë preferojnë më teper lehtesirat që ofron hoteli më tepër sesa aktivitetet përreth.
Nëse industria e mikpritjes mund të identifikojë arsyet kryesore të klientit në lidhje me vendndodhjen, ky informacion mund të përdoret për të synuar audienca te reja.

SHEMBULL I STRATEGJISË SË VENDNDODHJES SË NJË HOTELI
Për shembull një Hotel mund të kuptojë që një pjesë e dhomave te tij janë rezervuar për shkak të afërsisë së tij në një qendër konferencash. Kjo njohuri mund të përdoret për të synuar vizitorë që marrin pjesë në evente të tjera në këtë qendër konferencash. Një formë reklamimi mund të jetë një bashkëpunim me këtë qender dhe duke vendosur broshura me reklamat e eventeve të tyre.
Hoteli mund të përfitojë duke nxjerrë dhe oferta e paketa të ndryshme, në datat në të cilat zhvillohen të tilla evente.

Identifikimi i klientëve të tillë mund të jetë shumë i dobishëm për një hotel që kërkon të zgjerohet, duke kuptuar potencialin që ka për ti ofruar vizitorëve, për të rritur numrin e rezervimeve dhe marzhin e fitimeve. E thënë shkurt, analiza e klientëve dhe e vendndodhjes janë mjete të dobishme për industrinë e turizmit për të siguruar investimet dhe për të arritur rezultate pozitive.