Rëndësia e Trajnimit dhe Zhvillimit në Sektorin e Mikpritjes

Në industrinë e turizmit, ofrimi i një shërbimi të shkëlqyer kundrejt klientit është një domosdoshmëri. Sidoqoftë, vendodhja strategjike pranë zonave turistike, investimi në arredim bashkëkohor apo aksesi në internet dhe vende parkimi nuk mjaftojnë për të qenë i pari i industrisë. Të duhet ai faktori kyç që do e bindë klientin të dojë të kthehet tek ti në të ardhmen dhe ky faktor është pikërisht; përmbushja e kënaqësisë së klientit. Në mënyrë që biznesi yt të arrijë këtë, vija e parë në shërbimin ndaj klientit duhet trajnuar; stafi. Çdo punonjës i stafit tënd është një pjesë thelbësore e kornizës së një biznesi të suksesshëm, nga i pari tek i fundit dhe si të tillë duhen trajnuar në lidhje me vlera dhe standarde të caktuara.

Kultura e Kompanisë

Çdo kompani në fushën e turizmit, ka të veçantën e vet në mënyrën e të të bërit të gjërave. Të vjen ndërmend një hotel specifik për shkak të çokollatave që të la një herë mbi jastek. Një kroçiere prej çarçafëve në formë majmuni që të prisnin në krevat duke të të përshëndetur a një hotel që të përshëndeti me një dhuratë lamtumire.

Këta janë elementët që dallojnë kulturën e korporatave në sytë e klientit kur vjen puna tek një qëndrim i këndshëm. Trajnimi i shpërndarë siguron eksperienca me vlerë në çdo pikë të korporatës.

Trajnimi në vetvete ka një rëndësi thelbësore në lidhje me koherencën në punë të stafit në terma afatgjatë. Që nga vendosja e e jastekëve e deri tek arredimi i sallave të pritjes për përmbushjen e relaksimit të klientit, çdo pjesë e stafit duhet të reflektojë të njëjtin përkushtim.

Zhvillimi dhe Kalitja  e Talentit

Shumë punonjës të industrisë së turizmit fillojnë karrierën e tyre në pozicione amatore dhe rriten profesionalisht në shkallët e hierarkisë së punës. Në momentin që një kompani i jep rëndësinë dhe kohën e duhur trajnimit të stafit, talenti i forcës punëtore të punësuar njihet dhe zhvillohet më lehtësisht në kuadër të mbushjes së pozicioneve më të larta menaxhuese në të ardhmen.

Si çdo industri, edhe turizmi ka specifikat e veta përsa i përket aftësive që punonjësit duhet të kenë dhe zhvillojnë. Puna në grup, aftësitë e larta në komunikim, trajnimet në kuadër të diferencave ndërpersonale janë ndër më të rëndësishmet në kuadër të të perceptuarit të stafit si një trup të vetëm. Aftësia për të punuar me njerëz të prejardhjeve të ndryshme është thelbësore duke marrë parasysh faktin që klientela mund të ketë çfarëdolloj prejardhjeje të mundshme dhe në fund të ditës, eksperienca që i ofrohet klientit duhet të jetë e njëjtë për të gjithë.

Çfarë ndodh kur klienti është i palumtur?

Nëse ti, si një pronar hoteli, ke një vizion për zgjerimin e mëtejshëm të markës tënde në këtë industri, përqendrohu tek kënaqja e nevojave të secilit prej klientëve të tu. Në të kundërt, përgatitu për dëmtimin që emri yt do marrë nga komentet dhe feedbacku i klientëve të pakënaqur. Në epokën e fshatit global, e dimë shumë mirë sesa shpejt këto komente negative marrin jetë sidomos në faqe të mëdha të industrisë dhe se si këto komente mund të shkatërrojnë reputacionin e biznesit tënd. Ky faktor është ndikues i drejtpërdrejtë në nivelin e fitimeve që të duhen për të mbajtur veten në treg.

Zgjidhja e Problematikave dhe Shërbimi

Shërbimi i shkëlqyer është ai që çon në eksperienca të paharrueshme dhe ky është pikërisht edhe synimi i industrisë së turizmit. Ka gjëra që mund të marrin për poshtë, ndodh. Për shembull, në momentin që një klienti i jepet numri i gabuar i rezervimit dhe çështja nuk zgjidhet në një mënyrë pozitive dhe miqësore, klineti padiskutim nuk do kalojë një eksperiencë të mirë. ideja këtu ka të bëjë me qasjen e stafit në momentin që këto të papritura ndodhin dhe a vendos të kthehet pranë jush apo jo në të ardhmen ai klient, është tërësisht në dorën e stafit që e pret.

Siguria dhe Mirëqenia

Në rastin e një rreziku të mundshëm në hotel, klienti sillet nga stafi për ndihmë. Në fund të fundit, punonjësi i stafit është njohës shumë më i mirë i zonës, ndërkohë që klienti e gjen veten në një zonë të panjohur. Rrjedhimisht, punonjësit e stafit duhet të trajnohen në dhënien e ndihmës së parë. Në të kundërt, në një rast emergjence situata do kthehej në një kaos të papërballueshëm nga të dyja palët.

Filozofia e Sektorit të Mikpritjes

Filozofia e sektorit të mikpritjes është e lidhur në mënyrë të drejtpërdrejtë me ofrimin e shërbimeve. Në turizëm – një segment me një përfshirje të gjerë në strukturën e restoranteve, këndeve të argëtimit, linjave të kroçereve e me rradhë – klienti përfaqsëon faktorin kyç në arritjen e objektivave të kompanisë. Një filozofi e qëndrueshme me baza të forta në shërbim, drejton stafin në arritjen e kënaqjes së klientit e rrjedhimisht, edhe suksesit.

Jo vetëm fjalë

Një filozofi e shkruar e mikpritjes – një e lançuar dhe e lexuar si nga ana e stafit edhe ajo e të të ftuarve – përcjell një ide të asaj çfarë biznesi vërtetë përfaqëson në industrinë përkatëse. Kjo, gjithsesi, do e humbiste vlerën e vet në rastin që nuk do manifestohej në përditshmëri nga veprimet e stafit drejt të ftuarve. Në rastin që klienti haset me një staf antagonist poshtë të njëjtës filozofi të varur në kornizë, ajo filozofi e humb vlerën që ka. Sjellja e punonjësve të stafit, e drejtuar nga filozofia e deklaruar, është jetike në përfaqësimin e një biznesi.

Interaktiviteti me të Ftuarit

Bizneset në fushën e turizmit mbartin një filozofi vibrante në matjen e pulsit të asaj çka i ftuari vërtetë vlerëson,e cila mund të arrihet edhe me anë të pyetjeve të thjeshta që i bëhen këtij të fundit mbi eksperiencën e përjetuar në formë bashkëbisedimi apo edhe formularësh vlerësimi online. Nëse vlerësimi i një strukture në sektorin e turizmit nuk është 10/10, atëherë ka gjithmonë vend për përmirësim. Përpjekjet rreth përfshirjes dhe kënaqjes së nevojave të klientit janë ato që mundësojnë integrimin e filozofisë së një biznesit.