5 Trendet me te rendesishme ne industrine e akomodimeve private ne turizem, per vitin 2020.

Tendencat në industrinë e akomodimeve private turistike po ndryshojnë më shpejtë se kurrë. Vizitorët kanë pritshmëri dhe kërkesa të reja, ndaj të cilave pronarët duhet të përshtaten për të mbajtur klientët ekzistues në treg dhe për të tërhequr kliente të rinj. Më poshtë janë renditur 5 parashikime globale për sezonin për vitin 2020, bazuar në anketime dhe studime të ndryshme tregu.

1. Gjenerata “Millennials” do të jenë tregu kryesor.
Shumica prej jush ndoshta keni degjuar për Millennials, grup njerëzish të lindur midis fillimit të viteve ‘80 dhe mesit të viteve ’90. Një nga karakteristikat kryesore të Millennials është se ata janë brezi i teknologjisë, kështu që rrallë do t’i shihni pa një celular në dorë, që u shërben për absolutisht gjithçka. Ata pëlqejnë të udhëtojnë, mundësisht në grup (35%) dhe vetëm 20% e tyre nuk kanë qëndruar në akomodim privat gjatë vitit të kaluar. Gjithashtu, të lindurit e kësaj gjenerate kanë pritshmëri të medha në lidhje me teknologjinë dhe lidhjen e internetit në akomodim.

2. Green is the color!
Sot të gjithë janë shumë të shqetësuar për mbrojtjen e mjedisit dhe kjo është bërë një nga temat më të rëndësishme në botë. Udhëtarët e rinj janë eco- conscious dhe janë të angazhuar në aktivitete mjedisore. Akomodimet private me një etiketë eco– friendly po bëhen gjithnjë e më të njohura. 70% e udhëtarëve kanë deklaruar se do të zgjidhnin më shumë akomodimin ecofriendly, sipas Booking.com. Këtu janë disa nga opsionet eco: përdorimi i produkteve eco për pastrim, konsumimi i ushqimeve shtëpiake dhe organike, përdorimi i llambave të kursimit të energjisë, burimet e rinovueshme të energjisë, ujërat e shiut si dhe trajtimi i ujërave të ndotur dhe riciklimi i mbeturinave.

3. Shërbimet e menaxhimit të pronës; në rritjë.
Menaxhimi i një prone pushimi nuk është i lehtë dhe kërkon gjithnjë e me shumë veprime për të mbajtur të kënaqur pronarin dhe të ftuarin. Për këtë arsye, një numër i madh i qiradhënësve private u japin “çelesat” e tyre agjencive të specializuara që ofrojnë shërbime në lidhje me menaxhimin e akomodimit, rezervimet, mirëmbajtjen, etj. Cdo vit rritet numri i qiradhënësve që punësojnë shërbim të administrimit të pronave për t’i ndihmuar ata të marrin rezultatet më të mira, për përfitimin e të dyja palëve.

4. Kafshët shtëpiake si miq udhëtimi
Sipas kërkimeve të Booking.com, 42% e pronarëve të kafshëve shtëpiake në të gjithë botën, thonë se do të zgjidhnin një destinacion që ju lejon marrjen e kafshëve shtëpiake me vete dhe 49% janë të gatshëm të paguajnë më shumë në mënyrë që të mund të qendrojnë me kafshët e tyre në akomodime që i pranojnë. Duke marrë parasysh këtë fakt, numri i akomodimeve petfriendly është gjithnjë në rritje.

5. Akomodimet private turistike janë në rrugën e duhur për të kapërcyer hotelet
Çdo vit industria e Akomodimet private turistike është dyfishuar në madhësi ndërsa hotelet rriten vetëm me një përqindje prej 1.1% çdo vit. Kjo prirje po çon në rritjen e numrit më të madh të shtëpive të pushimeve dhe besohet se do të kapërcejë hotelet deri në fund të vitit
2020, kjo për shkak se akomodimi privat ofron një përvoje unike, më të përshtatshme për secilin mysafir individual.