Si të krijoni përvoja të paharrueshme për klientët tuaj?

Po kërkoni mënyra për të përmirësuar përvojën e klientëve në hotel dhe për të tërhequr mysafirë? 

Zbuloni komoditetet që do të përmirësojnë standartin e hotelit tuaj dhe do ta dallojnë hotelin tuaj nga konkurrenca. Cilësia e një qëndrimi në hotel sot është shumë më tepër se sa dekori elegant dhe mobilimi i rehatshëm i dhomës. Hotelet moderne vënë më shumë theks në përvojën e përgjithshme të klientëve, duke u siguruar që të kenë në dispozicion të gjitha shërbimet, që do ta bëjnë qëndrimin e tyre jo vetëm të rehatshëm, por unik dhe të paharrueshëm, duke i bërë ata të kthehen përsëri, gjë që çon në rritjen e shitjeve, por edhe reputacionin e hotelit të tyre.

Komoditetet që ofrohen gjatë qëndrimit në hotel duhet të ofrohen në atë mënyrë që klienti të ndihet si në shtëpinë e tij, të pushojë dhe të shijojë vërtet pushimet e tij. Komoditetet nisin nga ambientet më elementare që priten tashmë në çdo hotel, si parkingu, tualeti dhe një shtrat me dyshek cilësor dhe arrijnë në ambiente me luksoze, si pishina ose një xhakuzi brenda dhomës.  Meqenëse konkurrenca në industrinë e hotelerisë tani është veçanërisht e fortë, është e nevojshme që hotelierët të mos mjaftohen me komoditetet bazë, por të përfshijnë në qëndrimin e tyre komoditete që do të befasojnë klientët e tyre, duke përmirësuar ndjeshëm përvojën e tyre të përgjithshme në hotel. 

Por cilat janë komoditetet që do të ‘fitojnë’ mysafirët tuaj, duke e bërë hotelin tuaj të dallohet? 

Gastronomia është shpesh një nga arsyet kryesore për zgjedhjen e një akomodimi, pasi klienti dëshiron të përjetojë shijet e veçanta të vendit që po viziton ose thjesht të kombinojë relaksin e tij me ushqime dhe pije të shijshme. Mund të ofroni një pije ‘mirëseardhjeje’ ose ëmbëlsirë, e bërë nga përbërës të vendit, në mënyrë që të nxirrni në pah shijet e veçanta të vendit, apo edhe të lini një pije freskuese çdo ditë në dhomat e tyre. Gjithashtu, përveç ambienteve për përgatitjen e kafesë dhe çajit, dhomat mund të kenë edhe minibare apo edhe karroca të pasuruara me përbërës për të bërë kokteje , të cilat do t’i lejojnë klientët të shijojnë edhe më shumë hapësirat e dhomës së tyre, veçanërisht nëse kjo përfshin një ballkon me pamje ose një pishinë private.

Pajisje inovative. Përveç Wi-Fi falas, i cili konsiderohet më tepër si i mirëqenë, sigurohuni që t’i pajisni dhomat tuaja të jenë të teknologjisë së fundit. Televizorët smart, tabletët në dhomë, dhe aksesi në kanalet e abonimit ose platformat e njohura online janë vetëm disa nga idetë që do ta bëjnë qëndrimin tuaj në hotel të veçantë. Për një përvojë edhe më të përmirësuar, mund të përfshini që klientët të jenë në gjendje të rregullojnë temperaturën e dhomës nëpërmjet një aplikacioni në smartfonin e tyre ose të përdorin ndriçimin nëpërmjet kontrollit zanor, praktika që jo vetëm që do të lehtësojnë klientët tuaj, por dhe do të kontribuojnë për një qëndrim më ekologjik , pasi do të shmanget shpërdorimi i energjisë.

Shërbimi i personalizuar është një kërkesë kyçe për klientët modernë. Ju mund t’u jepni të ftuarve tuaj mundësinë të zgjedhin disa veçori të dhomës së tyre sipas preferencave të tyre , duke zgjedhur për shembull aromën apo edhe elementët e dekorimit, si piktura apo bimë të brendshme. Në të njëjtin kontekst, hoteli mund të ofrojë edhe disa përfitime shtesë që do të ndryshojnë sipas llojit të klientëve . Për shembull, një çifti në muajin e mjaltit mund t’i jepet gjithashtu një darkë romantike ose një trajtim spa, ndërsa në rastin e një klienti biznesi, mini bari mund të jetë i pajisur me ushqime të ndryshme ose pije që rrisin energjinë. Këto pajisje do t’i bëjnë klientët tuaj të ndihen unikë dhe do të ndërtojnë një marrëdhënie të veçantë me hotelin tuaj, pasi ju do t’i përgjigjeni dëshirave të tyre të veçanta.

Promovoni aktivitetet në natyrë. Një lloj tjetër komoditeti që do t’i kënaqë klientët tuaj është që t’I përfshini ata të provojnë aktivitete të ndryshme brenda dhe jashtë dhomës së tyre, të tilla si lojra plazhi nëse hoteli juaj është afër plazhit ose ti ofroni shporta pikniku nëse jeni në një vend të përshtatshëm ku ka natyrë. Udhëtime të ndyshme përreth zonës nëpërmjet guidës.

Gjithashtu, mund tju sigurohet një tapet për ushtrime dhe joga, kufje me valë dhe playlists të krijuara posaçërisht për meditim, ose mundësinë për të marrë me qira një biçikletë së bashku me pajisjet e nevojshme që do ti duhen. Meqenëse aktivitetet në natyrë tani janë jashtëzakonisht të njohura me shumicën e llojeve të turistëve, ofrimi i këtyre mundësive jo vetëm që do të kënaqë klientët tuaj, por gjithashtu do të përmirësojë shitjen në hotelin tuaj.Komoditeti, mundësitë për eksperienca të reja dhe sigurisht shërbimi i personalizuar nuk duhet të mungojnë në eksperiencën e qëndrimit në hotel, pasi tashmë janë parakushte të rëndësishme për çdo turist modern. Duke përmirësuar pajisjet e hotelit tuaj, ju mund t’i përfshini këto elemente, duke krijuar një përvojë të plotë pushimi për klientin. Mundohuni të shkoni përtej të zakonshmes, përfitoni plotësisht nga mundësitë që ofrojnë ambientet tuaja dhe zonat përreth dhe surprizoni mysafirët tuaj me komoditete që do të përmirësojnë qëndrimin e tyre.