Blog
Të qënurit i suksesshëm në hoteleri – turizëm dhe veçoritë që duhet të dispononi
Industria e turizmit si një nga sektorët me një peshë të rëndësishme në GDP por edhe nivelin e punësimit në Shqipëri prej vitesh ka një vëmendje të zgjeruar për ta zhvilluar dhe ka strategji të ndërtuara në nivel kombëtar dhe rajonal. Pavarësisht se ndryshimet kërkojnë kohe, nevoja për tu përmirësuar është imediate në mënyrë që të kemi një turizëm të qëndrueshëm dhe afatgjatë.
Janë katër veçori kyçe që do të theksonim për të quajtur një sezon të suksesshëm në Hoteleri- Turizëm. Raporti CILËSI – ÇMIM, CILËSIA E SHËRBIMIT DHE SIGURIA
Një ndër karakteristikat kryesore dhe më të dukshme është që klienti është shumë më i vëmendshëm ndaj detajeve që më parë nuk ishte. Detaje këto të orjentuara në higjenën e hotelit dhomës, shërbimit, teknologjisë së përdorur në hotel etj.
Në momentin e parë kur ne vendosim të rezervojmë për pushimet në një hotel, shikojmë foto që përshkruajnë komoditetin, arkitekturën, afërsinë me detin etj. Ama kur fillojmë pushimet në atë hotel, përshtypja e parë merret që në momentin e kontaktit të parë në recepsion e më vonë deri tek detajet e pastrimit të një dhome.
Përtej pamjes së bukur, komoditeteve që krijon një hotel modern nga ana arkitekturore, sërisht ngrihen disa pyetje të rëndësishme:
- A kanë recepsionistët komunikim e duhur?
- A kanë dhomat probleme me pastrimin?
- A ka gjithmonë peshqirë, çarçafë të pastër?
- A dinë kamarierët si të shërbejnë?
Këto janë probleme të hasura shpesh në të gjithë sektorin e turizmit dhe klientet i kushtojnë një rëndësi të madhe review-ve për këto pika. Ajo çfarë vëmë re është që mungesat dhe problemet më të mëdha vijnë sepse stafi nuk ka një pervoje të mëparshme në këtë
sektor, njohurite janë shumë të pakta, gjithashtu kanë mungesa të trajnimeve në këtë sektor. Duke qenë në një periudhë globalizimi, trendet ndryshojnë shpejt por do të varet nga ne sesa vemendje do të fitojmë dhe sa të qëndrueshëm do jemi. Nëse punojmë për ta arritur, benefitet do të jenë të mëdha si për komunitetet, sipërmarrësit dhe punonjësit.Nëse do të jepja një këshillë do të ishte: TRAJNIM NË PRAKTIKË, duhet nisur nga kjo pikë në mënyrë që ndryshimet të jenë më të dukshme.Nëse investimi në kapitalin njerëzor është afër zeros, eksperienca ndër vite e kompanive ndërkombëtare ka vërtetuar që biznesi nuk mund të ketë rritjen e pritur në afatgjatë.
