ISMS – ISO 27001

Përshkrimi i trajnimit:

ISO/IEC 27001 është zhvilluar për të ndihmuar organizatat e cdo madhësie apo industrie, për të mbrojtur informacionin e tyre në mënyre sistematike dhe në një mënyre me kosto efektive, nëpërmjet adoptimit të një Sistemi Manaxhimi për Sigurinë e Informacionit (ISMS). Ai është një standard për sigurinë e informacionit, pjesë e standardeve ISO/IEC 27000, versioni i të cilit është publikuar në vitin 2013, me ndryshime të vogla të bëra përgjatë viteve.  ISO/IEC 27001 specifikon një sistem manaxhimi që ka si qëllim të sjellë sigurinë e informacionit nën kontrollin e menaxhimit dhe ka kërkesa specifike për tu përmbushur.
Standardi jo vetëm që i mundëson kompanise informacionin e nevojshëm ‘know- how ‘ për mbrojtjen e informacioneve të tyre te vlefshme, por një kompani që certifikohet për ISO 27001 mund tju provoje klientëve dhe partnerëve të tyre për sigurinë e informacionit. Por nuk jane vetëm kompanitë që certifikohen, por edhe individet, në mënyrë që të kenë një mundësi të re për punësim. Duke qene se ky standard është i njohur në të gjithë botën, oportunitet tuaja si biznes apo individ rriten në mënyre progresive.