SI TË EMËRTONI NJË AMBIENT AKOMODIMI PËR PUSHIME?

Shumë pronarë të akomodimeve në turizëm bëjnë të njëjtin gabim: mendojnë se është e mjaftueshme ta bëjnë pronën publike dhe të presin rezervime. Përvec fotove, markimi i një objekti është një hap i rëndësishëm për tu distancuar nga “turma” dhe për të arritur rezultate optimale. Ne do të përpiqemi t’ju japim disa këshilla për t’ju ndihmuar të gjeni një emër për ambientin tuaj të pushimeve.

Mendoni për audiencën tuaj
Emri mund të jetë i përshtatshëm për llojin e mysafirëve për të cilin është destinuar apartamenti, p.sh., një apartament në studio nuk është i destinuar për familjet, por për çifte.
Emrat shumë të gjatë nuk janë të këshillueshëm, sepse janë të vështirë për t’u mbajtur mend. Rekomandohet të mos përdorni më shumë se tre fjalë.

Shmangni emrat “bazikë”
Nëse prona juaj ka një emër të përgjithshëm, të zakonshëm, të tilla si Apartamente Ana, Dhoma 1 dhe 2 ose Shtëpi Pushimesh etj, propabiliteti për të dalë nga konkursi është i madh.
Emërtimi i një apartamenti pas një personi të afërt mund të jetë domëthenës dhe simbolik për pronarin, por për një person që kërkon një vend për të qendruar, nuk është – nuk jep asnjë informacion në lidhje me vete akomodimin.
Për këtë arsye, rekomandohet që emri i apartamentit të përmbajë disa informacione që lidhen me karakteristikat e akomodimit, p.sh. nëse apartamenti ka një tarracë me pamje të bukur – do të ishte e këshillueshme qe këto informacione të përfshihen në emër, ose me veçorinë e destinacionit, nëse ai është i vendosur në qendër të qytetit, do të ishte mirë që ta përdorni në emer pasi në këtë mënyrë i ftuari menjëhere do të dije se apartamenti ndodhet në qendër.

Shembuj të mirë
Pak shembuj emrash të mirë për një apartament: Odore di Mare ose kur përkthehen nga italishtja, Aroma e Detit. Nga ky emër mund të konkludojmë se apartamenti ndodhet afër detit, dhe për folësit jo italianë, do tju tingellojë ëmbël.
Zemra e Qytetit është një shembull tjetër i mirë pasi ky emër na tregon se apartamenti ndodhet në qendër të qytetit. Në qendër dhe i qetë – ne mund të konkludojmë dy gjëra nga ky emër: që apartamenti ndodhet në qendër dhe në një zonë të qetë.

Një truk i vogël
Nuk ka asnjë formulë të saktë për të zgjedhur në mënyrë optimale emrin e banesës tuaj. Këto keshilla mund t’ju ndihmojnë të krijoni një emër, por pronari duhet të dijë më së miri se çfarë e bën banesën e tij të veçantë dhe, bazuar në të, të krijojë një emër që do të dalë në pah midis apartamenteve të tjera.
Nëse krijimtaria juaj është e ulët dhe nuk keni ide kur zgjidhni një emër, atëhere një gjenerues i emrit mund t’ju ndihmojë. Gjeneruesi përmban një motor kerkimi ku futni terma që pershkruajnë përmbajtjen dhe, bazuar në ato terma, gjeneratori krijon një emër.