Arjana Isaku: Drejtuese e komitetit të Turizmit dhe Shërbimeve dhe anëtare e Dhomës Ekonomike të Gruas. Themeluese dhe menaxhere e Agjencisë Turistike “Dea Lines”,me përvoje 28-vjeçare në industrinë e turizmit. Znj. Isaku është ndër të parat gra në industrinë e turizmit në Shqipëri, në sektorin privat. Pas diplomimit në Universitetin e Tiranës, dega Ekonomi, Financë, karriera e saj ka filluar pranë një kompanie Norvegjezo-Shqiptare në fushën e transportit detar, ku ka kontribut për 8-vite në marrëdhënie me pasagjeret në drejtim marketing dhe shitje dhe poste drejtuese. Prej 21 vitesh ka ngritur biznesin e saj “Dea Lines” me moton “Na besoni udhetimin tuaj” në fushën e transportit ajror, detar si dhe udhetimeve turistike brënda dhe jashtë vendit me guida turistike të certifikuara. Gjatë rrugëtimit prej gati 3-dekadash si profesioniste në turizem, Arjana ka fituar shumë diploma, çertifikime, trajnime brënda dhe jashtë vendit. Nder ta, IATA (International Air Transport Association), certifikim nga federada boterore e guidave etj. Ne vitin 2019, në Shkup është vleresuar nga Banka Europiane për Rindertim dhe Zhvillim, duke u rradhitur në listen e grave të sukseshme të Ballkanit Perendimor. Në vitin 2018 , çertifikuar dhe vleresuar nga Unioni Turistik Shqiptar në 2018 për cilësinë dhe profesionalizmin si dhe në guidimin e grupeve të huaja në territorin shqiptar. Së fundmi është aktivizuar si pedagoge e jashtme në Kolegjin Universitar “Logos”, dega Menaxhim Turizmi,sisteme te kompjuterizura ne industrine e turizmit,punë në të cilën jep kontributin e saj duke ndarë njouritë e fituara ndër vite me brezat e rinj, aktorët e ardhshëm në fushën e turizmit.